Pieter Möller

Pretoria - Bemarking van aartappels wêreldwyd het Donderdag tydens die tweedaagse Wêreld Varsprodukte-kongres in Pretoria onder die soeklig gekom.

Verskeie idees is uitgeruil oor die mees effektiewe bemarkingsmetodes vir aartappels, ander groente en vrugte.

Aartappel SA se bemarkingsbestuurder, Etienne Booyens het aan OFM Nuus gesê daar kan nog baie gedoen word om bemarking in Suid-Afrika op te skerp.

Booyens sê baie nuwe werkbare idees is deur sprekers by die kongres gelug.

 Baie het ook gefokus op die rol van die jeug en hoe die nuwe tegnologie ingespan kan word.