Die Suid-Afrikaanse netbalspan glo dat hulle die wêreld se top drie spanne eersdaags sal kan klop.  Dit is volgens afrigter, Elize Kotze.  Die Suid-Afrikaners vertrek op die 8ste Oktober na Australie, waarna toetse teen Nieu-Seeland en Engeland ook volg.  Die span het verlede naweek in Stellenbosch vir ‘n oefenkamp bymekaargekom, waar hulle onder meer ook met die bekende visuele-vaardigheidskenner, dr. Sherylle Calder, gewerk het.  Kotze sê haar span sal nie een van die toetse benader asof hulle dit gaan verloor nie.