Christopher Motabogi

Theunissen - Die wêreld se vierde grootste goudprodusent, Goldfields, gaan aansoek doen vir ’n interdik teen stakende mynwerkers by nog twee van sy skagte by die Beatrix-myn naby Theunissen.

Woordvoerder, Sven Lunsche, sê ’n interdik is reeds teen stakende mynwerkers by Beatrix-Wes bekom. Die interdik sal Beatrix-myn se Noord- en Suid-skagte insluit.

Lunsche sê die staking het versprei na ander dele van die myn nadat dit Vrydag begin het met werkers wat oor salarisse gekla het.