Pieter Möller

Goeie vordering word gemaak om die landbousektor bewus te maak van energiebesparing. So sê Eskom-woordvoerder, Pannetjie Rossouw.

Hy sê die besparing van energie is vir Eskom 'n hoë prioriteit en met projekte wat reeds aangepak is, het landbouers reeds nagenoeg 9 megawatt energie gespaar.

Rossouw sê inligtingsdae en praatjies word tans oor die hele Suid-Afrika gehou om boere, landboubesighede en ander rolspelers toe te lig oor energiebesparing en die moontlike gebruik van alternatiewe energiebronne.

Rossouw is die spreker by verskeie inligtingsessies wat Eskom tans hou by boereverenigings en landboukongresse.