Duitse Ryderbekerheld, Martin Kaymer, sê sy landgenoot, Bernhard Langer, het hom tot ‘n oorwinning by die Nedbank Gholfuitdaagtoernooi by Sun City geïnspireer.  Kaymer het oor die laaste vyf putjies senuwees van staal ten toon gestel om Suid-Afrika se Charl Schwartzel met twee houe te klop.  Dit was Kaymer se eerste toernooi-oorwinning vanjaar.  Kaymer het die Suid-Afrikaner, Ernie Els, ook uitgesonder as een van sy rolmodelle.

Die Amerikaner, Bill Haas, het in die derde plek klaargemaak op 3 onder baansyfer, een hou voor nog ‘n Suid-Afrikaner, Louis Oosthuizen.  Tweemalige en verdedigende kampioen, Lee Westwood, het op 1 onder baansyfer in die vierde plek geëindig.