Suid-Afrika se Giniel de Villiers is in die tweede plek op die motor-punteleer na die tweede skof van die Dakar-tydren in Peru.  Die Suid-Afrikaner het die wedren vier jaar gelede gewen.  Hy is egter net 35 sekondes agter die voorloper, verdedigende kampioen, Stephane Peterhansel van Frankryk.  De Villiers se Toyota-spanmaats, Duncan Vos en Rob Howie, het die tweede skof in die 14de plek voltooi. 

Wat die motorfietsafdeling betref, het Darryl Curtis die beste van die Suid-Afrikaners gevaar.  Hy het die tweede skof in die sesde plek klaargemaak en is in die algehele sewende plek.