Suid-Afrikaanse renjaer, Giniel de Villiers, sê toestande in Suid-Amerika, waar die Dakar-tydren tans plaasvind, stel geweldige eise aan die deelnemers.  De Villiers is tans in die algehele tweede plek, sowat 52 minute agter voorloper en verdedigende kampioen, Stephane Peterhansel.  De Villiers het na gister se 10de skof sy voorsprong oor die Rus, Leonid Novitskiy, met meer as 16 minute gerek.  Maar de Villiers sê die jaers moet in versengende hitte hul staal toon.