Pieter Möller

Daar heers grootskaalse onsekerheid oor die toekoms van die landbousektor, veral onder kommersiële boere. Dit, volgens die adjunk-minister van Landbou, Visserye en Bosbou, Pieter Mulder. 

Mulder sê uiteenlopende en soms onverantwoordelike uitsprake bemoeilik landbouers se toekomsvisie en vertroue in die land.

Mulder sê dit is tyd dat politici Suid-Afrika se belange eerste stel en nie partypolitieke belange nie.
 
Hy sê kommersiële boere verduur baie kritiek, terwyl dit nooit uit die oog verloor moet word dat kommersiële landbou verantwoordelik is vir 95% van Suid-Afrika se voedselproduksie nie.