Agriculture
Maandag is sperdatum vir ramphulpaansoeke in NW─── 15:29 Tue, 20 Aug 2013
Dirk Kok - Veeboere in Noordwes het nog net tot Maandag om aansoekvorms in te dien vir ramphulp van die regering af.
Die provinsiale departement van landbou se Bonolo Mohlakoana sê boere wat hulp nodig het weens die knellende droogte en nog nie aansoek gedoen het nie, moet dit spoedig doen.
Aansoekvorms is by die departement se kantore, by Agri-Noordwes en sy landbouverenigings en by landbou-ondernemings beskikbaar.
Die landboudepartement se voorligtingsbeamptes is ook op bystand om boere te help met hul aansoeke, sê sy.
Noordwes is onlangs tot rampdroogtegebied verklaar weens een van die ergste droogtes in jare in dié provinsie.
Die regering het R200 miljoen vir ramphulp aan veeboere bewillig.