Agriculture
Du Preez: Regering besef SA kan nie landbougrond verloor nie─── 13:54 Wed, 05 Mar 2014
Dirk Kok
Bothaville - Die politieke kommentator en skrywer Max du Preez sê Suid-Afrika se boere kan positief wees oor die toekoms en voortgaan om in landbou te belê.
Du Preez, wat paneelbesprekings op Graan SA se kongres op Nampopark buite Bothaville lei, sê boere oorreageer dikwels en moet hulle nie te veel aan die uitlatings van politici steur nie, veral nie in 'n verkiesingsjaar nie.
Al is daar baie verwarring, is die seine uit die Uniegebou en parlement oor die landbou positief.
Hy sê die regering besef Suid-Afrika kan nie produktiewe landbougrond verloor nie.
Graan SA se kongres het vanoggend begin en duur tot môre.