Agriculture
'Nuwelingboere is in die steek gelaat'─── 14:05 Wed, 05 Mar 2014
Dirk Kok
Bothaville - Graan SA se bestuurslid Thabo Macholo sê die regering het nuwelingboere in die steek gelaat deur nie weer geld van die herkapitaliseringsprojek vir grondhervorming aan Graan SA te bewillig nie.
Graan SA het verlede jaar 141 nuwelingboere op 70 000 ha in die Vrystaat, Noordwes, die Oos-Kaap en Kwazulu-Natal ondersteun met R200 miljoen wat van die regering ontvang is.
Geld hiervoor is nie weer toegeken nie en die boere kan nie vanjaar ondersteun word nie.
Macholo, 'n boer van Harrismith, het op Graan SA se kongres gesê die regering moet weet dit is nie Graan SA wat hierdeur benadeel word nie, maar die nuwelingboere.
Graan SA se president, Louw Steytler, het gesê terwyl daar juis gefokus moet word op suksesvolle grondhervorming en werkskepping word hierdie nuwelingboere se hoop as't ware vertrap.