National
Naam van polisiebeampte wat by stasie doodgeskiet is bekend─── 13:19 Thu, 17 Apr 2014
Stellenbosch - Die polisiebeampte van die Wes-Kaap wat Woensdagaand omstreeks 22:30 by die Klapmuts-polisiestasie buite Stellenbosch doodgeskiet is terwyl hy aan diens was, se naam is bekendgemaak.
“Ao. Steven Brits (44) is tydens 'n vermeende rooftog by die polisiestasie doodgeskiet,” het André Traut, 'n polisiewoordvoerder, Donderdag gesê.
Brits is deur 'n onbekende aantal mans oorval en doodgeskiet. Sover vasgestel kan word, word 'n vuurwapen vermis.
Die provinsiale polisiekommissaris, Arno Lamoer, sal na verwagting later die dag die media by die polisiestasie toespreek.
Sapa
