National
Leerder op bus skool toe vermoor─── 16:07 Thu, 17 Apr 2014
Groot Brak - 'n Skoolleerling van die Wes-Kaap is Donderdagoggend op 'n bus op pad skool toe met 'n mes doodgesteek.
Malcolm Pojie, 'n polisiewoordvoerder, het gesê Joseph Isaacs (15) het by Jonkersberg op 'n skoolbus geklim en was op pad na Hoërskool Groot Brak toe die voorval plaasgevind het.
“Volgens ooggetuies het die slagoffer en 'n ander 15-jarige seun oor 'n sitplek in die bus baklei. Die ander tiener het Isaacs daarna met 'n mes in die bors gesteek,” het Pojie gesê.
Isaacs is met 'n ambulans na 'n hospitaal in George geneem waar hy aan sy besering beswyk het.
Die ander seun is ná die voorval in hegtenis geneem nadat ooggetuies hom aan die polisie uitgewys het.
Die verdagte word by die Groot Brakrivier-polisiestasie aangehou en moet Dinsdag in die Mosselbaai-landdroshof verskyn.
Malcolm Pojie, 'n polisiewoordvoerder, het gesê Joseph Isaacs (15) het by Jonkersberg op 'n skoolbus geklim en was op pad na Hoërskool Groot Brak toe die voorval plaasgevind het.
“Volgens ooggetuies het die slagoffer en 'n ander 15-jarige seun oor 'n sitplek in die bus baklei. Die ander tiener het Isaacs daarna met 'n mes in die bors gesteek,” het Pojie gesê.
Isaacs is met 'n ambulans na 'n hospitaal in George geneem waar hy aan sy besering beswyk het.
Die ander seun is ná die voorval in hegtenis geneem nadat ooggetuies hom aan die polisie uitgewys het.
Die verdagte word by die Groot Brakrivier-polisiestasie aangehou en moet Dinsdag in die Mosselbaai-landdroshof verskyn.
Maroela Media