National
31 miljoen stembriewe reeds gedruk: OVK─── 08:39 Thu, 24 Apr 2014
Pretoria - Die Onafhanklike Verkiesingskommissie (OVK) sê 31 miljoen stembriewe is reeds vir die verkiesing gedruk en dit word na verskeie punte in die land en in die buiteland versprei.
Dit is vandag 14 dae voor die land se vyfde demokratiese verkiesing plaasvind.
Meer as 200 000 OVK-personeel sal toesien dat die verkiesing vlot verloop.
Die OVK se adjunk-voorsitter, Terry Tselane sê hulle is reg vir die verkiesing en dat kundigheid wat oor jare opgebou is, weer aangewend is om te verseker dat voorbereidings doeltreffend en tydig afgehandel word.
Suid-Afrikaners wat in die buiteland woon en geregistreer het, sowel as mense wat vir spesiale stemme geregistreer het, sal reeds op die vyfde en sesde Mei stem.
SAUK
