National
Lyk aan elektrisiteitspaal gevind in Soweto─── 10:19 Fri, 25 Apr 2014
Soweto - Die liggaam van 'n 24-jarige man wat aan 'n elektrisiteitspaal vasgemaak is, is Vrydagoggend in Orlando-Oos in Soweto opgespoor.
“Een van die kinders het gesien die man staan by 'n paal,” het Kay Makhubela, woordvoerder van die polisie, gesê.
“Hy het vir sy ouers gaan vra wie dit is en hulle het bevind die man is opgehang.”
Sy hande was agter sy rug vasgebind en sy mond is met kleefband toegeplak. Een van die man se ore is afgesny.
Die polisie ondersoek 'n saak van moord.
“Ons het nog nie 'n verdagte nie,” het Makhubela gesê.
Sapa
