Agriculture
LUR pak skuld vir grondmislukkings op boere─── 16:58 Thu, 10 Jul 2014
Dirk Kok. - Vrystaatse landbou-LUR Mamiki Qabathe het in die wetgewerdebat oor die landboubegroting die skuld vir stadige grondoordrag en -hervorming op wit boere geplaas.
Sy het gesê sommige wittes besit landbougrond net om daarmee te spog en ander omskep grond waarop kos geproduseer moet word in wildsplase. Wit boere jaag grondpryse met miljoene rande op wanneer hulle hoor die regering wil dit koop. Die meeste wit boere wat gevra is om mentors te wees vir opkomende swart boere, kul en besteel die nuwe boere.
Die VF+ se Wouter Wessels sê Qabathe se uitlatings is onverantwoordelik en onaanvaarbaar. Hy sê sy veralgemeen. Sonder kommersiële boere sal die land en die Vrystaat ten gronde gaan. Landbou en alle boere moet gekoester word. Wessels sê opkomende boere moet doeltreffend gehelp word om kommersiële landbouers te word.
