Local News
Vierfontein-plaasaanval: Verdagte môre in hof─── 16:09 Tue, 22 Jul 2014
Dirk Kok
Klerksdorp - ’n Jong man van Lesotho sal
môre in die landdroshof op Viljoenskroon verskyn weens die plaasaanval gister
op die bejaarde Buks en Baby Swanepoel van Vierfontein.
Die 23-jarige man
is deur boere vasgetrek kort nadat die Swanepoel-egpaar gistermiddag vroeg op
hul en hul seun, Casper, se plaas Sterkfontein, tussen Orkney en Bothaville,
aangeval is.
’n Gesteelde pistool waarmee die Swanepoel-egpaar glo erg geslaan
is, is by die aanvaller gekry waar hy in ’n bos op ’n buurplaas geskuil het.
Die 81-jarige Buks Swanepoe moet as gevolg van
erge skedelbreuk in die life Anncron-hospitaal in Klerksdorp ondergaan.
Sy
80-jarige vrou is in dieselfde hospitaal met kopbeserings.
’n
Offisier van die Valke in Welkom, Gideon Mosia, is aangestel om die plaasaanval
te ondersoek. Forensiese toetse word gedoen om vas te stel waar en wanneer die
pistool gesteel is.
Die polisie-soektog na die tweede aanvaller duur voort.
Intussen word die minister
van polisie, Nkosinathi Nhleko, se uitlating in die parlement oor
plaasaanvalle wyd verwelkom.
Nhleko het in antwoord op ’n vraag van die
VF+ gesê daar is aan owerheidskant kommer oor plaasaanvalle en –moorde en dit
is ’n prioriteit.
Landbou- en gemeenskapsorganisasies sê dit is vir hulle
bemoedigend.
Een van die eerste boere gister op die Vierfontein-plaas waar die
bejaarde Buks en Baby Swanepoel wreed deur aanvallers aangerand is, Kobus van
der Westhuizen, sê Nhleko se uitlating word deur landbouers verwelkom.
Boere
wag al lank hiervoor.
