National
Taegrin Morris-ondersoek vorder goed─── 06:34 Thu, 24 Jul 2014
Johannesburg - Die polisiekommissaris, Riah Phiyega, sê die ondersoek na die moord op die vierjarige Taegrin Morris van Reigerpark aan die Oos-Rand vorder goed.
Morris is dood nadat hy vir kilometers langs sy ma se gekaapte voertuig gesleep is. Hy het in die veiligheidsgordel verstrengel geraak. Phiyega het die Morris-familie gister besoek.
Sy het ook met inwoners van Reigerpark gepraat. Hulle het haar vertel van hul kommer oor misdaad.
Volgens Phiyega se woordvoerder, Solomon Makgale, het die familie aan Phiyega gesê dat hulle die goeie werk van die polisie op prys stel.
Makgale sê die ondersoek is in 'n gevorderde stadium en 'n aankondiging kan binne die volgende paar dae gemaak word.
SAUK