Africa News
SAL-loods laat klere vlieg op Harare-lughawe─── 17:12 Wed, 02 Jul 2014
Harare - 'n SAL-loods is gearresteer toe hy kapsie gemaak het teen veiligheidsprosedures by die Harare Internasionale Lughawe.
The Herald berig dat Kaptein Wouter Bouderwyn Van Ginkel glo sy klere tot by sy onderklere afgestroop het nadat hy deur sekuriteitswagte gevra is om sy gordel af te haal. Hy het net daar by die sekuriteitsdeursoekpunt sy klere laat waai.
Hy is toe vir openbare onsedelikheid gearresteer.
Van Ginkel het volgens die dagblad 'n afkoopboete betaal, maar kon daarna, volgens lugvaartregulasies nie as vlugkaptein diens doen nie.
Die betrokke vlug is vyf ure vertraag.
Die SAL kon nog nie vir kommentaar bereik word nie.
Sapa