National
R6 miljoen geëis vir Down's sindroom-kind─── 09:15 Fri, 29 Aug 2014
Kaapstad - 'n Ma van Kaapstad het gister in die Grondwetlike Hof skadevergoeding van minstens R6 miljoen van die Fetale Assesseringsentrum in Claremont geëis vir die "wederregtelike lyding" van haar kind, wat met Down's sindroom gebore is.
Die eis hou verband met die feit dat die sentrum nagelaat het om vas te stel dat haar kind 'n baie hoë risiko gehad het om met Down's sindroom gebore te word.
Die ma, wie se identiteit nie bekendgemaak kan word nie ten einde die kind se identiteit te beskerm, sê sy sou waarskynlik die baba geaborteer het indien sy van die ernstigheid van die risiko vir Down's sindroom ingelig is.
Die Hooggeregshof in Kaapstad het vroeër vandeesmaand die ma se aansoek van die hand gewys. Uitspraak is voorbehou.
Sapa