National
SA jong mense weet van Ebola─── CHRISTAL-LIZE MULLER 14:43 Thu, 23 Oct 2014
Kaapstad - Sowat vier uit elke vyf jong Suid-Afrikaners is bewus van die Ebola-virus en is bekommerd dat dit na Suid-Afrika kan versprei.
‘n Onlangse studie deur die navorsingsmaatskappy, Pondering Panda, toon dat 88% van die 83% jong Suid-Afrikaners wat van die virus weet, bekommerd is dat dit Suid-Afrika kan bereik.
Woordvoerder van die maatskappy, Johan van der Merwe, sê jong Suid-Afrikaners se vrees oor ‘n plaaslike Ebola-uitbreking is waarskynlik weens wye mediadekking die afgelope paar maande. Volgens hom hou dit egter negatiewe gevolge in.
Die studie toon slegs 12% van die meer as 2 300 mense tussen die ouderdomme van 15 en 34 wat ondervra is, glo nie dat die Ebola-virus na Suid-Afrika kan versprei nie.
Die studie toon slegs 12% van die meer as 2 300 mense tussen die ouderdomme van 15 en 34 wat ondervra is, glo nie dat die Ebola-virus na Suid-Afrika kan versprei nie.
Van der Merwe sê die inligting is saamgestel uit telefoniese onderhoude wat oor tien dae met mense oor die land heen gevoer is.
Christal-Lize Muller/OFM-nuus
Johan van der Merwe: