Local News
Vier rowers nog op vrye voet na Senekal-plaasaanval─── CHRISTAL-LIZE MULLER 08:42 Tue, 31 Mar 2015
Senekal - Nog niemand is in hegtenis geneem in verband met die aanval op ‘n bejaarde egpaar op hul plaas naby Senekal in die Vrystaat verlede week nie.
Vrystaatse polisiewoordvoerder, Phumelelo Dhlamini, vra enigeen wat inligting het oor vier mans wat gesoek word om hul naaste polisiekantoor te bel.
Dries Stemmet en sy vrou Fransie is verlede Woensdagaand in hul slaapkamer deur die rowers oorval. Hulle het ‘n sementblok deur die egpaar se slaapkamerruit gegooi. Dries is met ‘n stuk sementblok teen die kop geslaan. Hy het sy bewyssyn verloor waarna hulle hom vasgemaak het. Fransie is ook vasgemaak.
Christal-Lize Muller/OFM-nuus