Africa News
Leeu verskeur Zim-boerseun─── 09:34 Thu, 23 Apr 2015
Harare - 'n 14-jarige seun, wat na die gesin se gewasse omgesien het, is dood nadat 'n leeu hom in die noord-ooste van Zimbabwe aangeval en verskeur het.
Die seun, wie se naam nie bekend gemaak is nie, is glo vroeg Maandagoggend in Mariga aangeval, naby die grens tussen Zimbabwe en Zambië en Mosambiek.
“Hulle het in die veld naby die mielieveld gelê en slaap om die gewasse teen renosters, olifante en buffels te beskerm,” het Peter Enock Chapoto, die plaaslike stamhoof, aan die amptelike Herald-koerant gesê. “Gewoonlik bou ons 'n toring sodat die persone wat in die veld slaap, hoog kan lê en slaap, Maar die seun was saam met sy oom en hulle het besluit om op die grond te slaap. Die leeu het gekom, hom aangeval en weggesleep.”
Volgens Chapoto is net die kind se kop gevind.
-News24.com