Africa News
Internasionale Strafhof vra Al-Bashir se inhegtenisname─── 08:52 Sun, 14 Jun 2015
Johannesburg - Die Internasionale Strafhof het 'n beroep op Suid-Afrika gedoen om die Soedannese president, Omar al-Bashir in hegtenis te neem.
Die SAUK berig Al-Bashir het gister in die land aangekom om die Afrika Unie se beraad van staatshoofde by te woon.
Die Strafhof het al twee lasbriewe uitgereik vir al-Bashir se inhegtenisneming op aanklagte van oorlogmisdade en misdade teen die mensdom.
As ondertekenaar van die Statuut van Rome, is Suid-Afrika tegnies verplig om hom aan die Internasionale Strafhof oor te gee.
Volgens berigte is al-Bashir egter deur Suid-Afrikaanse amptenare en diplomate by die lughawe verwelkom.
Die Strafhof vra in 'n verklaring die Suid-Afrikaanse regering om sy verspligtinge na te kom en met die hof saam te werk.
SAUK