Jy het ‘n bietjie meer tyd en geduld nodig vir hierdie resep. Maar dit is ‘n heelwat anders as die normale ou skaaptjoppie.

Wat jy benodig:
 1 kg skaap tjops
 30 ml olie
 30 ml botter
 1 ui, fyn gekap
 30 ml koekmeelblom
 250 ml appelkoossap
 sap van 1 klein suurlemoen
 150 ml hoenderaftreksel
 30 ml appelkooskonfyt
 125 ml room
 3 ml salie
 sout indien nodig
 vars gemaalde swartpeper

Wat jy moet doen:

• Geur die vleis met sout en peper en braai in olie tot bruin.
• Skep uit en hou warm.
• Smelt die botter in dieselfde pan en soteer die ui todat dit sag is.
• Voeg die koekmeelblom by. Roer tot ‘n gladde pasta en verwyder van die hitte.
• Voeg die appelkoossap by en roer goed.
• Plaas terug op die stoof en verhit totdat die sous verdik.
• Voeg die res van die bestanddele by en meng goed.
• Pak die vleis in 'n oondvaste bak met deksels en gooi die sous bo-oor.
• Sit die deksel op en bak in die oond teen 160 grade vir ongeveer 'n uur tot die vleis sag en gaar is.
• Jy kan ook die vleis in ‘n braaibak pak en jou braai gebruik as ‘n oond.
  
  

Hierdie resep is beskikbaar op http://www.watertandresepteviroudenjonk.com