National
Sithole-moordverhoor - twee wil pleitooreenkoms aangaan─── 15:45 Mon, 04 May 2015
Johannesburg - Die verhoor van die vier mans wat beskuldig word van die moord op die Mosambiekse straatverkoper Emmanuel Sithole is in die Alexandra-landdroshof uitgestel.
Mthinto Bhengu, Sizwe Mngomezulu, Ayanda Sibiya en Sifundi Mzimela het na bewering Sithole verlede maand in 'n straat in Alexandra, noord van Johannesburg, met 'n mes doodgesteek. Hulle staan tereg op aanklagte van moord en roof.
Foto’s van Sithole wat aangeval word en bloeiend langs die straat lê, het op die voorblad van Sunday Times verskyn en 'n opskudding op sosiale media veroorsaak. Bhengu en Sibiya het aan die hof gesê hulle wil 'n pleitooreenkoms met die staat aangaan.
Hul medebeskuldigdes, Mngomezulu en Mzimela, het aangedui dat hulle skuld sal ontken.
Die saak is tot 13 Mei uitgestel.
Maroela Media
Maroela Media