Local News
Hartebeesfontein-moordverdagtes steeds op vrye voet─── DANE BEISHEIM 16:23 Thu, 21 Aug 2014
Hartebeesfontein - Die polisie het nog niemand aangekeer vir die moord op Hartebeesfontein se Kobus van der Westhuizen nie.
Noordwes-polisiewoordvoerder, Sabata Mokgwabone, sê 'n saak van huisbraak en moord word ondersoek.
Die 58-jarige Van der Westhuizen is Saterdag in sy huis op sy kleinhoewe naby Hartebeesfontein vermoor aangetref. Sy hande was met skoenveters agter sy rug vasgebind.
Die aanvallers het sy selfoon, skootrekenaar, kamera en vuurwapen gebuit.
Christal-Lize Muller/OFM-nuus
