Local News
Bethlehem-onderwyser verskyn weer vir strafbare manslag─── THANDI XABA 07:38 Thu, 28 Aug 2014
Bethlehem - 'n Man wat aangekla word van strafbare manslag sal vandag weer in die Bethlehem streekshof verskyn.
Die 34-jarige John Cordier, 'n onderwyser by die Maluti Hooglandskool in Bethlehem, word daarvan verdink dat hy sy 26-jarige vriendin, Petri Breed se dood veroorsaak het.
Nasionale Vervolgingsgesag-woordvoerder Phaladi Shuping, sê Breed is bewusteloos, maar lewendig op 'n sypaadjie van die Oos-Vrystaatse dorp gevind.
Sy is later in Mediclinic Bloemfontein dood. Dit blyk dat sy 'n ernstige kopbesering opgedoen het.
Cordier is op borgtog van R2 000 vrygelaat en hou steeds skool.
Thandi Xaba/OFM-nuus