Local News
Drie in hof oor varke─── 09:14 Fri, 21 Nov 2014
Bloemfontein - Drie mans sal na verwagting vandag in die landdroshof in Welkom verskyn nadat hulle na bewering 50 varke en varkvoer op 'n plaas gesteel het.
Vrystaat polisiewoordvoerder, Stephen Thakeng sê die mans - onderskeidelik 23, 25, en 37 - is Woensdag in hegtenis geneem nadat varke by Steynwyk Piggery gesteel is.
Altesaam 23 van die gesteelde varke is later op 'n ander plaas gevind.
Volgens Thakeng het die polisie inligting ontvang dat die gesteelde varke op 'n ander plaas aangehou word.
Die varke is uitgeken aan hulle eienaar se brandmerk.
Verklaring: SAPD