Local News
Ballim aangestel as vise-kanselier van die Sol Plaatje Universiteit─── OWEN KOCK 08:38 Wed, 18 Feb 2015
Kimberley - Professor Yunus Ballim is aangestel as die eerste volwaardige vise-kanselier van die Sol Plaatje Universiteit in Kimberley.
Ballim was die tussentydse hoof en die raad het vroeg vanoggend sy aanstelling, vir 'n termyn van vyf jaar, aangekondig.
Ballim het 20 jaar se akademiese en uitvoerende bestuursondervinding aan die Universiteit van die Witwatersrand, waarvan ses jaar as adjunk vise-kanselier en vier jaar as adjunkhoof.
Die Universteitsraad sê in 'n verklaring hulle is vol vertroue dat Ballim, met sy aanstelling in hierdie belangrike en historiese posisie, sal kan help met die visie en ontwikkeling van die Noord-Kaap-streek en die land in geheel.
Owen Kock/OFM-nuus