Local News
Nog 'n vrou kla oor Bloemfontein-dokter─── 17:35 Fri, 27 Mar 2015
Bloemfontein - ‘n Tweede vrou het vandag na vore gekom met klagtes oor die Bloemfonteinse dokter wat tans in die stad se hooggeregshof teregstaan op ‘n aanklag van verkragting.
Spiros Theocharous word daarvan aangekla dat hy een van sy pasiënte in Mei 2013 in sy spreekkamer, verkrag het.
‘n Vrou van Bloemfontein – die tweede vandeesweek – het nou na vore gekom en sê sy was twee jaar lank 'n pasiënt van Theocharous. Sy beweer Theocharous het in dié tyd onder meer seksueel-gelaaide boodskappe aan haar gestuur.
Die ondersoekbeampte in die saak, Kobus Haasbroek, sê hy het reeds met die klaagster kontak gemaak. Hy het gevra dat indien daar nog vroue met inligting is, hulle hom moet kontak.
Die verhoor is vandag tot 26 Oktober uitgestel.
Cathy Dlodlo/OFM-nuus
