Local News
Bejaarde NW-man verskyn weens vrou se moord─── DANE BEISHEIM 09:29 Mon, 30 Mar 2015
Stilfontein - 'n Vier-en-tagtig-jarige man verskyn na verwagting vandag in die Stilfontein-landdroshof in verband met die moord op sy 69-jarige vrou.
Kobus Groenewald word daarvan aangekla dat hy sy vrou Dienkie in Mei verlede jaar in hul huis aangerand en met 'n mes doodgesteek het.
Hy is na die Sterkfontein-hospitaal in Krugersdorp gestuur vir psigiatriese waarneming om te bepaal of hy verhoorbaar is.
Groenewald het sewe maande lank gewag vir 'n plek in die hospitaal.
Dane Beisheim/OFM-nuus