Local News
VS-gesondheidswerkers se verhoor begin in Julie─── 17:52 Mon, 30 Mar 2015
Bloemfontein - Die verhoor van die 129 gesondheidswerkers, wat in hegtenis geneem is terwyl hulle teen hul afdanking deur die Vrystaatse departement van gesondheid betoog het, begin op 6 Julie.
Hulle het vroeër verskeie pleitooreenkomste van die hand gewys. Die werkers het vandag weer in die Bloemfonteinse streekhof in verband met die hou van ‘n onwettige byeenkoms, verskyn.
Die werkers – ondersteun deur verskeie nie-regeringsorganisasies het vanoggend vanaf Pelonomi-hospitaal tot by die hofgebou betoog en geëis dat die aanklagte teen hulle onvoorwaardelik teruggetrek word.
Die werkers is in Julie verlede jaar in hegtenis geneem.
Cathy Dlodlo/OFM-nuus