Off-Beat-News
Senator se selfoon sorg vir giggels─── 10:49 Sat, 18 Apr 2015
Senator Pat Roberts van Kansas in Amerika het vandeesweek vir groot vermaak in die senaat gesorg met sy selfoondeuntjie van die bekende kinderfliek, Frozen.
Tom Vilsack, sekretaris van landbou, was besig met sy toespraak toe “Let it go” kliphard begin speel en die kongreslede begin lag het.
“Laat dit net gaan, meneer,” het Roberts geskerts toe hy om verskoning gevra het vir die onderbreking.
Die 78-jarige Roberts het vyf kleinkinders en dis moontlik een van hulle wat hul oupa se selfoon beetgehad het.
Maroela Media
