Local News
Meeste munisipaliteite kry hul geld─── CATHY DLODLO 07:48 Tue, 04 Aug 2015
Bloemfontein - Nege-en-veertig plaaslike munisipale landswyd het tot dusver hulle staatsubsidies ontvang nadat nasionale tesourie dit vroeer vanjaar weerhou het.
Dit is volgens Bongani Khumalo, waarnemende uitvoerende beampte van die Finansies en Fiskale Kommissie.
Hy het 'n voorlegging aan die Staande Kommitee van Bewilligings in die nasionale parlement gedoen oor die weerhouding van munisipaliteite se subsidies.
Khumalo sê 'n verdere nege munisipaliteite het egter net 'n gedeelte van hulle subsidies ontvang terwyl twee munisipaliteite steeds sonder enige geld sit.
Die meer as 50 munisipaliteite se subsidies is weerhou as gevolg van hulle uitstaande skuld aan Eskom en Waterrade.
Cathy Dlodlo/OFM-nuus