Local News
Snuffelhonde kry 'verdagte voorwerp' by Bfn-skool─── OWEN KOCK 17:12 Thu, 27 Aug 2015
Bloemfontein - Die polisie se bom-eenheid en snuffelhonde is vanoggend uitgeroep na die Hoërskool Sentraal in Bloemfontein, na ‘n verdagte voorwerp in ‘n watersloot op die skoolterrein gevind is.
Volgens die skoolhoof, Johan Vorster, is geen van die skool se programme ontwrig nie en die leerders was veilig in hul klaskamers.
Hy sê sy terreinbestuurder het hom vroegoggend van die voorwerp in kennis gestel, waarna Bayswater se blitspatrollie ontbied is.
Vorster sê die polisie het die voorwerp verwyder en hulle wag nou op terugvoering om te hoor presies wat die aard van die voorwerp was.
Owen Kock/OFM-nuus