Local News
Harrismith-plaasmoord: Gesteelde bakkie gevind─── CHRISTAL-LIZE MULLER 10:12 Mon, 31 Aug 2015
Harrismith - Die gesteelde bakkie waarmee twee vermeende aanvallers Vrydagaand op die vlug geslaan het na die moord op ‘n bejaarde boer by Harrismith is gisteraand teruggevind.
Vrystaatse polisiewoordvoerder, Mmako Mophiring, sê die verlate wit Nissan-bakkie is in Intabazwe gekry.
Dit kom nadat Robert Rhadebe en sy vrou Martha op die plaas Silo oorval en vasgebind is. Hulle het albei steekwonde opgedoen.
Die rowers is ook met geld en selfone vort.
Mophiring sê Martha word in ‘n plaaslike hospitaal behandel. Robert is op die toneel dood.
Nog niemand is in hegtenis geneem nie. ‘n Klag van huisbraak en moord word ondersoek.
Christal-Lize Muller/OFM-nuus