Local News
Vermeende koperkabeldief doodgeskok─── CHRISTAL-LIZE MULLER 15:12 Fri, 04 Sep 2015
Hennenman - Die polisie in die Vrystaat ondersoek ‘n voorval waarin ‘n vermeende koperkabeldief die week by ‘n munisipale substasie by Hennenman vermoedelik doodgeskok is.
Polisiewoordvoerder, Mamello Mokhuoane, sê ‘n senior munisipale elektrisiën het Woensdagaand net voor 21:00 op ‘n onbekende man se lyk met ernstige brandwonde afgekom. Volgens haar is sy hande verkool, wat die polisie se taak om hom te identifiseer bemoeilik.
Sy sê die elektrisiën is na die kragstasie omdat daar ‘n probleem met kragtoevoer was.
Mokhuoane vra enigiemand met inligting om hul naaste polisiekantoor te bel.
Christal-Lize Muller/OFM-nuus
Mamello Mokhuoane:
