Local News
Cjiekella-Lecholo sal in elke dorpie en township gemis word─── OWEN KOCK 09:50 Sat, 05 Sep 2015
Kimberley - Hulde is vanoggend gebring aan die ontslape Noord-Kaapse LUR vir Onderwys, Grizelda Cjiekella-Lecholo, tydens ‘n roerende begrafinisdiens in ‘n stampvol Mitah Seperepere konferensie sentrum in Kimberley.
In sy huldeblyk, het die LUR vir gesondheid en waarnemende Premier, Mxolisi Sokastha, gesê vandag bring nie net hy nie, maar die hele Noord-Kaapse gemeenskap hulde aan ‘n heldin wat hopeloos te vroeg weggeneem is.
Sokatsha het gesê hoewel Cjiekella-Lecholo nie meer daar is nie, sal sy lank onthou word in die klein dorpies en townshipswaar sy ‘n verskil in die lewens van die gewone mense gemaak het.
Cjiekella-Lecholo is voorverlede Vrydagoggend in ‘n Kimberley-hospitaal oorlede na ‘n kort siekbed.
Owen Kock/OFM Nuus
Die LUR vir Gesondheid en waarnemende Premier, Mxolisi Sokastha, bring hulde aan die ontslape Noord-Kaapse LUR vir Onderwys, Grizelda Cjiekella-Lecholo.:
