National
Diepsloot-moorde: Hoofverdagte verskyn Maandag─── 08:19 Fri, 18 Oct 2013
Johannesburg - Die hoofverdagte in die moord op en verkragting van twee kleuters van Diepsloot sal Maandag in die Pretoriase Landdroshof verskyn.
Volgens Gautengse polisiewoordvoerder, Lungelo Dlamini, is die man vanoggend in Alexandra in hegtenis geneem en sy nasionaliteit word tans vasgestel.
Hy is die vyfde en hoofverdagte in die saak en word sedert Dinsdagoggend, toe Yonelisa en haar niggie Zandile Mali se lykies in 'n buitetoilet in Diepsloot gevind is, gesoek.
Die polisie het gister 'n identikit van die verdagte uitgereik en 'n beloning van R100 000 uitgeloof vir sy arrestasie en suksesvolle vervolging.
Vier mans wat vroeër oor die moorde ondervra is verskyn vandag in die Pretoria-landdroshof op aanklagte van moord en verkragting.
Die hoofverdagte sal tereg staan op 'n bykomende klag van ontvoering.
Sapa
Sapa