National
Nigerië kerkramp: Forensiese toetse om SA-slagoffers uit te ken begin─── 08:37 Tue, 23 Sep 2014
Lagos - Forensiese toetse om die Suid-Afrikaners uit te ken wat in die Nigeriese kerkramp dood is, begin vandag.
Die regering het 'n forensiese span na Lagos gestuur om vingerafdruk- en DNS-toetse op die 84 slagoffers te doen.
Vyf-en-twintig beseerde oorlewendes van die ramp het gister in Suid-Afrika aangekom.
Suid-Afrika se Hoë Kommissaris in Nigerië, Lulu Mnguni sê hulle verwag dat die toetse teen Donderdag na Suid-Afrika gestuur sal word.
Mnguni sê hulle het DNS-monsters van die familielede in Suid-Afrika geneem en dit sal help om die 84 slagoffers uit te ken.
Volgens hom is 115 liggame uit die puin gehaal.
SAUK
