National
Eskom beplan nie beurtkrag, maar...─── SABRINA DEAN 09:17 Fri, 21 Nov 2014
Bloemfontein - Eskom doen opnuut 'n ernstige beroep op verbruikers om elektrisiteit te spaar om die instelling van beurtkrag vermy.
Eskom se woordvoerder, Andrew Etzinger, sê die elektrisiteitsverskaffer het geen beurtkrag vir vandag geskeduleer nie, maar daar is 'n moontlikheid dat dit deur die loop van die dag ingestel kan word.
Hy sê Suid-Afrikaners hoef hul voorlopig nie gereed te maak vir beurtkrag die naweek nie.
Etzinger bedank verbruikers vir hul toegewyde samewerking om krag te bespaar die afgelope week.
Intussen het hy ook bevestig dat een van Eskom se oorblywende steenkoolsilo's by die Majuba-kragstasie in Mpumalanga 'n kraak in het.
Hy sê aldrie Majuba se silos is nou leeg gemaak en steenkool word tydelik met vragmotors aangery.
Sabrina Dean/OFM-nuus
