National
Flippie Engelbrecht-saak: Plaasbestuurder 'n vry man─── 14:36 Thu, 18 Dec 2014
Worcester - Die plaasbestuurder van die Langeberg-streek wat glo ’n plaasseun aangerand het, is ’n vry man.
Wilhelm Treurnicht het Woensdag in die Worcester-streekhof verskyn op ’n aanklag van aanranding met die opset om ernstig te beseer in die Flippie Engelbrecht-saak.
Eyewitness News berig die hof het Treurnicht se aansoek om verlof, op die basis dat die polisie nie genoegsame bewyse gehad het nie, toegestaan.
Engelbrecht was nie in die hof nie, maar sy ouers, Katriena en Flip, wel. Engelbrecht het aangevoer dat die beweerde aanranding daartoe gelei het dat hy blind is, epileptiese aanvalle kry en sy hande geamputeer is.
Johnny Burger, wat saam met Treurnicht van aanranding aangekla is, het in September verlede jaar selfmoord gepleeg omdat hy glo nie meer die spanning van die saak kon hanteer nie.