National
Vermeende dwelmsmokkelaar dood na polisie hom jaag─── 07:53 Thu, 05 Mar 2015
Johannesburg - 'n Vermeende dwelmsmokkelaar het gisteraand in die Northgate-winkelsentrum in Johannesburg dood neergeslaan toe hy deur polisie gejaag is.
Polisiewoordvoerder Wayne Minnaar sê metropolisie het omstreeks 8-uur gisteraand 'n motor naby Northgate-winkelsentrum gestop.
Minaar sê dwelmmiddels is na bewering in die motor gevind. Die man het uit die motor gespring en die winkelsentrum binne gehardloop.
Die polisie het hom agterna gesit, maar die man het kort daarna ineengestort. Daar word vermoed dat hy die dwelms ingesluk het.
Die saak word ondersoek.
Sapa