National
Aarduur vandag wêreldwyd gevier─── 09:23 Sat, 28 Mar 2015
Johannesburg - Vanaand word aarduur, oftewel Earth Hour, wêreldwyd gevier. Die Wêreld Natuur Fonds Suid-Afrika het aard-uur as 'n simboliese gebaar teenoor die natuur beskryf.
Honderde miljoene mense wêreldwyd gaan gedurende Aarduur, vanaf half-nege tot half-tien, hulle ligte afskakel om te wys hulle wil bydra om die aarde te beskerm.
Suid-Afrikaners word gevra om soveel moontlik krag te bespaar.
Aarduur het in 2007 in Sydney, Australië, begin toe 2,2 miljoen huishoudings hulle ligte 'n uur lank afgeskakel het om standpunt teen klimaatsverandering in te neem.
Vandag vind Aarduur wêreldwyd plaas om mense aan te moedig om hulleself te verbind tot 'n volhoubare wêreld wat bevolkings in staat sal stel om genoeg skoon water, plante en diere te hê om die aarde mee te deel.
Sapa
