National
Kaping: Ma voor kinders doodgeskiet─── 09:35 Tue, 21 Apr 2015
Johannesburg - 'n 33-jarige ma van Johannesburg is Maandag voor haar kinders doodgeskiet tydens 'n kaping buite haar dogter se skool.
Kay Makhubela, polisiewoordvoerder, het gesê die vrou en haar sewejarige seun was in die motor toe hulle haar 12-jarige dogter by 'n skool in Soweto gaan oplaai het. “Die dogter het in die motor geklim en toe hulle in die straat ingedraai het, is hulle deur twee mans met vuurwapens voorgekeer.”
Die ma is geskiet en saam met haar kinders uit die motor gegooi. Sy is op die toneel dood. Volgens Makhubela is die kinders nie beseer nie.
Die polisie het die vrou se Toyota Corolla ure later verlate in Dobsonville gevind.
Aanklagte van moord en gewapende roof word ondersoek.
-News24.com