Agriculture
UV-departement wil boerdery met e-leer ondersteun─── 16:28 Tue, 16 Sep 2014
Die Universiteit van die Vrystaat se departement landbou-ekonomie gaan sy opleiding uitbrei met e-leerkursusse om boere en werknemers van landboumaatskappye se kennis aan te vul en hulle op hoogte van die jongste tendense te hou.
Departementshoof Dirk Strydom sê om 'n goeie e-leerafdeling te begin, werk hulle saam met die Mississippi State University wat een van die voorste e-leerafdelings het.
Die plan is om aan die een kant werknemers van landboumaatskappye se landboukennis met geakkrediteerde sertifikaatkursusse te verbreed. Aan die ander kant sal boere en boerderypersoneel hul sakekennis kan opskerp en aanvul.
Strydom het vanoggend op die Kovisie-kampus, op die departement landbou-ekonomie se jaarlikse industriedag vir landbou-ondernemings en hul beurshouers, gesê die e-kursusse sal in samewerking met kundiges uit die boerderysektor aangebied word, vir praktiese kennis aan boere en maatskappypersoneel.
Dirk Kok/OFM-nuus
Dirk Strydom: