Agriculture
Grondhervorming: deurbraak op Agri SA-kongres─── 13:07 Thu, 16 Oct 2014
Pretoria - Emosies loop hoog en opgewondenheid heers nadat grondsakeminister Gugile Nkwinti pas op die eerste dag van Agri SA se jaarkongres onder staande applous aangekondig het hy maak Agri SA se tegniese taakspan oor grondhervorming saam met die Landbank deel die ministriële taakgroep oor grondhervorming.
Pieter Möller berig uit Pretoria Nkwinti het dié aankondiging gedoen nadat Agri SA grondhervormingsvoorstelle van onder meer vennootskapsboerderye aan hom voorgelê het.
Nkwinti het Agri SA se boere bedank en gesê hulle het sy dag gemaak met hul grondhervormingsplanne. Hy wil nou saamwerk.
Agri SA se president, Johannes Möller, het aangedaan gesê hy het vlinders op sy maag.
Landbouleiers sê 'n enorme deurbraak is gemaak.