Agriculture
AfriForum gaan VN inlig oor plaasmoorde─── 16:49 Mon, 24 Nov 2014
Bloemfontein - Die burgerregteorgansasie AfriForum sê hy gaan vandeesweek in Genève, Switserland, verslae oor die gebrek aan die beskerming van minderhede in Suid-Afrika en oor die krisis van plaasaanvalle en –moorde aan die Verenigde Nasies oorhandig
AfriForum se Alana Bailey woon môre en oormôre die sitting van die VN-menseregteraad se forum vir minderheidsaangeleenthede by.
Die AfriForum-verslag oor plaasmoorde, wat vroeër vanjaar by die SA Menseregtekommissie ingediens is, is een van die verslae wat AfriForum aan die VN gaan oorhandig.
Bailey sê AfriForum gaan die VN ook inlig oor die miskenning van Afrikaans en die gevolglike ontneming van die regte van misdaadslagoffers.
Sy sê AfriForum sal voortgaan om die skending van menseregte en minderheidsregte in Suid-Afrika onder die internasionale gemeenskap se aandag te bring.
Dirk Kok/OFM-nuus
