Rugby
Plumtree help Luiperd-voorspelers─── 10:18 Wed, 02 Jul 2014
Die nuwe Hurricanes-afrigter John Plumtree was Dinsdagoggend in Potchefstroom waar hy met die Luiperds se voorspelers gewerk het.
Plumtree, pas terug in Suid-Afrika na sy kontrak by Ierland verstryk het, het sy sake kom afhandel voor hy teruggaan na sy geboorteland in Nieu-Seeland waar hy aangestel is om die ‘Canes se nuwe afrigter te word.
Die Luiperds se afrigters Robert du Preez en Jaco Pienaar was vroeër vanjaar onder andere by Plumtree in Ierland tydens ‘n toer waar hulle by verskeie oorsese unies aangegaan het.
Die Luiperds durf Saterdag (15:00) die Griffons in Potchefstroom aan. Toegang is gratis.